شعر صلاح جاهين
شعر صلاح جاهين
نعرض أهم وأشهر قصائد صلاح جاهين فيما يأتي:
شعر مش كل البشر فرحانين
ساعات أقوم الصبح قلبي حزين
أطل بره الباب ياخدنى الحنين
اللي لقيته ضاع
واللى اشتريته انباع
واللى قابلته راح وفات الأنين
وأرجع وأقول
لسه الطيور بتفنّ
والنحلايات بتطنّ
والطفل ضحكه يرنّ
مع إن مش كل البشر فرحانين
حبيبي سكر مر طعم الهوى
فرق ما بيننا البين ماعدناش سوا
حرام عليك يا عذاب
نبقى كده أغراب
ده البعد والله جرح من غير دوا
آدي اللي كان وآدي القدر وآدي المصير
نودع الماضي وحلمه الكبير
نودع الأفراح نودع الأشباح
راح اللي راح ماعدش فاضل كتير
إيه العمل في الوقت ده يا صديق
غير إننا عند افتراق الطريق
نبص قدامناعلى شمس أحلامنا
نلقاها بتشق السحاب الغميق
وأرجع وأقول
لسه الطيور بتفنّ
والنحلايات بتطنّ
والطفل ضحكه يرنّ
مع إن مش كل البشر فرحانين.
شعر لموا الكراريس
الدرس انتهى
الدرس انتهى لموا الكراريس
بالدم اللي على ورقهم سال
في قصر الأمم المتــحدة
مسـابقة لرسـوم الأطـفال
إيه رأيك في البقع الحمـرا
يا ضمير العالم يا عزيزي
دي لطفـلة مصرية وسمرا
كانت من أشـطر تلاميذي
دمها راسم زهرة
راسم رايـة ثورة
راسم وجه مؤامرة
راسم خلق جبارة
راسم نـار
راسم عار
ع الصهيونية والاستعمار
والدنيا اللي عليهم صابرة
وساكته على فعل الأباليس
الدرس انتـهى
لموا الكراريس ..
إيه رأى رجـال الفكر الحر
في الفكرادي المنقوشة بالدم
من طفل فقير مولود في المر
لكن كان حلو ضحوك الفـم
دم الطـفل الفـلاح
راسم شمس الصباح
راسم شـجرة تفاح
في جناين الإصلاح
راسم تمساح
بألف جناح
في دنيا مليانة بالأشبـاح
لكنـها قلـبها مرتــاح
وساكتة على فعل الأباليس
الدرس انتـهى
لموا الكراريس …
إيه رأيك يا شعب يا عربي
إيه رأيك يا شعب الأحـرار
دم الأطـفال جايلك يحـبى
يقول انتـقموا من الأشـرار
ويسيل ع الأوراق
يتهجى الأسـماء
ويطـالب الآبـاء
بالثـأر للأبـناء
ويرسم سيف
يهد الزيـف
ويلمع لمعة شمـس الصيف في دنيا فيها النور بقى طيف وساكتة على فعل الأباليـس الدرس انتهى لموا الكراريس.
شعر عجبي
عجبي عجبي آه
عجبي
عجبي عليك عجبي عليك يا زمن
يا أبو البدع
يا مبكي عيني دم
ازاي أنا اختار لروحي طريق
وأنا اللي داخل في الحياة مرغم
عجبي
حاسب من الأحزان وحاسب لها حاسب على رقابيك من حبلها
حاسب من الأحزان وحاسب لها حاسب على رقابيك من حبلها
راح تنتهي و لابد راح تنتهي مش انتهت أحزان من قبلها
عجبى
مرغم عليك يا صبح مغصوب يا ليل لادخلتها برجليه ولا كان لي ميل شايلنى شيل دخلت أنا في الحياة وبكره هخرج منها شايلنى شيل
عجبى
يأسك وصبرك بين أيديك وانت حر تياس ما تياس الحياة راح تمر
يأسك وصبرك بين أيديك وانت حر تياس ما تياس الحياة راح تمر
أنا دقت من ده ومن ده عجبى لقيت الصبر مر وبردك اليأس مر
يا باب أيا مقفول إمتى الدخول
صبرت ياما و اللي يصبر ينول
دقيت سنين والرد يرجع لي مين
لو كنت عارف مين أنا كنت أقول
عجبى
دخل الشتا وقفل البيبان ع البيوت
وجعل شعاع الشمس خيط عنكبوت
دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت في ليل الشتا
لكن حاجات أكتر بترفض تموت ترفض تموت عجبي دخل الربيع يضحك لقانى حزين
نده الربيع على اسمي لم قولت مين
حتى الربيع أزهاره جنبي وراح
و ايش تعمل الأزهار للميتين
عجبي
الدنيا من غير الربيع ميته
ورقة شجر ضعفانه ومفتتة
الدنيا من غير الربيع ميته
ورقة شجر ضعفانه ومفتتة
لا يا جدع غلطان تأمل وشوف
زهر الشتا طالع في عز الشتا
عجبي أنا شاب لكن عمري ولا ألف عام
وحيد ولكن بين ضلوعي زحام
خايف ولكن خوفي منى أنا
أخرس ولكن قلبي مليان كلام
عجبي
لو فيه سلام في الأرض وطمان وأمن
لو كان مفيش ولا فقر ولا خوف وجبن
لو يملك الإنسان مصير كل شيء
ده أنا كنت أجيب للدنيا ميت ألف ابن
عجبي
سهير ليالي و ياما لفيت وطُفت
وليه راجع في الظلام قمت شفت
الخوف كأنه كلب سد الطريق
وكنت عاوز أقتله بس خفت
عجبي
ولدي نصحتك لما صوتي اتنبح
ما تخفش من جني ولا من شبح
ولدي نصحتك لما صوتي اتنبح
ما تخفش من جني ولا من شبح
وان هب فيك عفريت قتيل إسأله
ما دافعش ليه عن نفسه يوم ما اندبح
عجبي
يا طير يا عالي في السما طظ فيك
ما تفتكرشي ربنا مصطفيك
برضك بتاكل دود وللطين تعود
تمص فيه يا حلو ويمص فيك
عجبي
أنا قولت كلمة وكان لها معنيين
كما بطنت واحده وتوأمين زين شين
لو دنيا شر التؤام الخير يموت
ولو دنيا خير الشر هيعيش منين
عجبي عجبي
لا تجبر الإنسان ولا تخيره
تكفيه ما فيه من عقل بيحيره
اللي انهارده يطلبه يرضاه
هوة اللي بكره هيشتهى يغيره
عجبي
عبسا بقول وأقرأ في سورة عبس
متلومشى حد إن ابتسم أو عبس
عبسا بقول وأقرأ في سورة عبس
متلومشى حد إن ابتسم أو عبس
في ناس تقول الهزل يطلع جد
وناس تقول الجد يطلع عبس عبس عبس عبس عبس عبس عبس
عجبي
يا عندليب متخفش من غنوتك
قول شكوتك وأحكي على بلوتك
الغنوة مش هتموتك
إنما كتم الغنا هوة اللي هيموتك
عجبي
تسلم يا غصن الخوخ يا عود الحطب
ييجي الربيع تطلع زهورك عجب
تسلم يا غصن الخوخ يا عود الحطب
ييجي الربيع تطلع زهورك عجب
وانا ليه بيمضي ربيع وييجي ربيع
وانا ليه بيمضي ربيع وييجي ربيع
و لسه برضك قلبي حتة خشب
عجبي كرباج سعادة وقلبي منه انجلد
رمح كأنه حصان ولف البلد
ورجع لي آخر الليل وسألني
ليه خجلان تقول إنك سعيد يا ولد
عجبي
غمست سنك في السواد يا قلم
عشان ما تكتب شعر يقطر ألم
غمست سنك في السواد يا قلم
عشان ما تكتب شعر يقطر ألم
مالك جرالك إيه يا مجنون
وليه رسمت ورده وبيت وقلب وعلم
عجبي
قالوا الشقيق بيمص دم الشقيق
والناس ما هياش ناس بحق وحقيق
قلبي رميته وجبت غيره حجر
داب الحجر ورجعت قلبي رقيق
عجبي
ياللي انت بيتك قش مفروش بريش
تقوي عليه الريح يصبح ما فيش
ياللي انت بيتك قش مفروش بريش
تقوي عليه الريح يصبح ما فيش
عجبي عليك حواليك مخالب كبار
و مالكش غير منقار وقادر تعيش
إنشد يا قلبي غنوتك للجمال
وأرقص في صدري من اليمين للشمال
ما هوش بعيد تفضل لبكره سعيد
ده كل يوم فيه ألف ألف احتمال
عجبي
أهوى الهوا وهمس الهوا في العيون
وبسمه المغرم ودمعه الحنون
أهوى الهوا وهمس الهوا في العيون
وبسمه المغرم ودمعه الحنون
وزلزلات الهوا نهد الصبي
أكون أنا المحبوب أو لا أكون
عجبي
جالك أوان ووقفت موقفت وجود
يا تجود بده يا قلبي يا بده تجود
ما حد يقدر يبقى على كل شيء
مع إن عجبي كل شيء موجود
عجبي
أنا اللي بالأمر المحال اغتوى
شفت القمر نطيت لفوق فالهوا
أنا اللي بالأمر المحال اغتوى
شفت القمر نطيت لفوق فالهوا
طلته ما طلتوش إيه أنا يهمني
وليه ما دام بالنشوة قلبي ارتوى
عجبي
أنا اللي بالأمر المحال اغتوى
شفت القمر نطيت لفوق فالهوا
طلته ما طلتوش إيه أنا يهمني
وليه ما دام بالنشوة قلبي ارتوى
عجبي
أنا اللي بالأمر المحال اغتوى
شفت القمر نطيت لفوق فالهوا
أنا اللي بالأمر المحال اغتوى
شفت القمر نطيت لفوق فالهوا
طلته ما طلتوش إيه أنا يهمني
وليه ما دام بالنشوة قلبي ارتوى
عجبي
غمض عينيك وارقص بخفة خفه ودلع
الدنيا هيه هيه الشابة و انت انت الجدع
غمض عينيك وارقص بخفة خفه ودلع
الدنيا هيه هيه الشابة و انت انت الجدع
تشوف رشاقة خطوتك تعبدك
لكن انت لو بصيت لرجليك تـقع
عجبي عيني رأت مولود على كتف أمه
يصرخ تهنن فيه يصرخ تضمه
يصرخ تقول يابنى متنطق كلام
ده اللي ميتكلمش يا كتر همه
عجبي
العشب طاطا للنسايم و نخ
أخضر طرى مالهش في الحسن أخ
العشب طاطا للنسايم و نخ
أخضر طرى مالهش في الحسن أخ
عصفور عبيط عبيط أنا غاوى بهجه وغنا
ح انزلهنا وإنشالله يهبرنى فخ
عجبي
إنسان أيا إنسان ما أجهلك
ما أتفهك في الكون وما أضألك
شمس وقمر وسدوم وملايين نجوم
وفاكرها يا موهوم مخلوقة لك
عجبي
فتحت شباكي لشمس الصباح
ما دخلش منه غير عويل الرياح
فتحت شباكي لشمس الصباح
ما دخلش منه غير عويل الرياح
وفتحت قلبي عشان أبوح بالألم
ما خرجش منه غير محبه و سماح سماح
عجبي
ليه يا حبيبتي ما بينا دايماً سفر
ده البعد ذنب كبير لا يغتفر
ليه يا حبيبتي ما بينا ديماً بحور
أعدى بحر ألاقي غيره اتحفر
عجبي
بحر الحياة مليان بغرقا الحياة
بحر الحياة مليان بغرقا الحياة
صرخت خش الموج في حلقي ملاه
قارب نجاة صرخت قالوا مفيش
غير بس هو الحب بس هو الحب قارب نجاة
عجبي.
