شعر ابن فطيس
شعر ابن فطيس
اخترنا لكم في هذا المقال مجموعةً من قصائد الشاعر القطري محمد ابن فطيس المرّي.
قصيدة يا قـــوّة قلــــبـــك
يا قوّة قلبك على الصّـده ويـا صُــــــبـرك
ويا وسع صدري على صدّك ويا صُبري
ويا طول عمـرك بذاكـــــــرتـي ويا كُبـرك
ويا شيب عيني بشيّب عــــاد ذا كــــُبـري
والله لون حمل صبري فوقـك..ان تبرك
والله ولو تعتذر منـت بعلـى خــــــــبـري
إن ما جبرك الغلا ما أقدر على جـــبـرك
ياللي على أرض الوفـا ما شبرك بشبري
تـــزعل وترجع وتـلقانـي عــــلـى خبـرك
وأنا انكسر لك واجـــــيـك أدوّر لــجبـري
طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري
أمـــــحق وليف ومحبّة والا أقــول أبـرك
حسبي عليك أعشقك وانت تحفر قــبري
قصيدة الله يسامح غلاك
الله يسامح غلاك ويلعن الحاجة
غيبتك لو هي دقيقة تعتبر صدّة
الوقت عقبك سجن وغيابك سياجه
لا تعتذر لي ترى ما عاد في شدّة
أعيد حكيٍ يكود الصدر مخراجه
دامه يوصف بجود أبيك وبجدّة
وشلون تبخل على المجروح بعلاجه
وشلون قاواك قلبك ردّه وصدّه
مع إنّه بيّن عليه الضعف والحاجة
يا قوّة قلبك برد يمينك وردّه
بخلت بمصافحه وأرهيت بإحراجه
لوما سقا غيم عينه جرهدي خدّه
تراه يبكي وقلبه يلحق إخلاجه
ولو شفته يمازحك تراه من جدّه
الضحك عن درب ضيق الصّدر ما عاجه
غير الوله والغلا عليك وش حدّه
يا درب ليلة ويا مسراه وسراجه
كنّه يعرفك قبل يلقاك من مدّه
مع إن ما بينك وبينه أمواجه
هواك بدوٍ نووا القلب بالشدّة
ورياض قلبي لشوف البدو محتاجة
والوصل بحرٍ متى أنت بتسمح بمده
السّيف صبري وبحرك شح بأمواجه
وقصيدي اللي قريته واللي أعدّه
قديم لا يزعلك معناه وإخراجه
وفراغ قلبي غلاك أرهى على سدّه
ليتك تشوف الغلا وأبراجه وعاجه
أقوى رياح العذل ما تقدر تهدّه
ولا الجفا لو تنفّس هدم أبراجه
تغانم الوصل لأنّ البعد لا بدّه
يأتيك في يوم ثمّ يأخذك بأدراجه
اللي لي إنّك تلين وتترك الشدّة
واللي لك إنّي ما أسولف بك لهرّاجة
لا نيب زعلان واللي إني أرتجي مدّة
يا باب قلبي وياقفله ومزلاجه
زعلك تغلي ومن تزعله من قدّه
مدام كلن يبي دربك ومنهاجه
غالي وتبخل علي وتطوّل الصدّة
الله يسامح غلاك ويلعن الحاجة
يا هيه
يا هيه التفت لي واسمع دعاي لك يـا هيـه
ترى عادتك تشبـع مـن البعـد واتواجـه
دعيتك بصوتٍ ياصلـك ليـه مـا توحيـه
وأنا أسمع ضلوعك من صدى الصوت لجاجه
عليـك الفـؤاد إخلاجـه مصمـخ راعيـه
خف الله في راعيـه مـا تسمـع إخلاجـه
ترى العفو قد جـاك أولـه واغتنـم تاليـه
وترى الحلم بحرٍ غيـر لا تامـن أمواجـه
وترى الـود ليـلٍ مظلـمٍ جيت لـك ساريـه
سراجه وصالـك والجفـا ينفـخ سراجـه
وترى قصرنا اللي كم سنة نجمـع ونبنيـه
هوى العذل طيـح بابـه العـود وسياجـه
لي أيام مـدري ويـن دارك ولا أدري ليـه
وأنا خابـر إنـي بـاب شفـك ومزلاجـه
غيـابٍ بـلا سبـة هجـادٍ بــلا تنبـيـه
وجفا أغلى العرب نارٍ على الكبـد وهاجـة
نضج قلبي من البعـد وش حاجتـك تكويـه
جفاك الجمر والصبر فـي بعـدك الصاجـه
وطبع حبـك بقلبـي والأيـام مـا تمحيـه
هـذا هجـرك يحـاول يموجـه ولا ماجـه
يموت الأمـل لكـن ظنـون الغـلا تحييـه
وعروق الوفـا فالـروح والقلـب وجاجـة
خبرتوا حدٍ يبكـي علـى واحـدٍ يبكيـه؟؟!!
وخبرتوا حدٍ مسجون ما يبقـي إفراجـه؟؟!!
أحبـه ولا أبغضتـه علـى شـيٍ يسويـه
ولا زالـت رقـاب الرجـا فيـه منعـاجـة
عسى منزلٍ ضمه حقـوق الوسـم تسقيـه
وتضحك له الدنيا وهـو يضحـك حجاجـه
فقد خاطـري شـي مـن الضيقـة مسليـه
وغد روحي من النـاس والليـل هجاجـة
أروح لمكـانٍ خابـره .. خابـره ياتـيـه
أسوق القدم صوبـه وهـي مالهـا حاجـة
مكـانٍ نزيـه وأول مواجهـي لـه فـيـه
وأنـا خابـرٍ مـا رجـل مثلـه بـدواجـة
لعل وعسـى مـا حدنـي للمجـي يدعيـه
وأشوفه وأنـا مـا ودي أسبـب إحراجـه
يحب الجريح آخـر دروب اللقـى ويجيـه
وتحـب القـدم جيـة مكـان أول مواجـه
يا سارقًا قلبي
يا سارقًا قلبي أتتك جوارحي
طوعًا بلا أمر ولا استئذانـي
فأنـا الـذي أهملته وتركـتـه
كنزًا للص هواك حين أتاني
فأرفق به ما دمت تملـك أمره
واحفظه حفـظ الصـدر لرئتانـي
وإذا لقيتـك فأغنيـه دقائـقًا
ليجـدد الحـب بـه شريـانـي
فإذا قضيت فخذه مني راضيًا
سبحـان ممـن دونـهِ أحياني
وإذا لقيتك لا تسل عـن حالتـي
فملامحي بالشـوق خيـر بيانـي
للدمع والليـل الطويـل تركتنـي
وتقول لي فالبعـد مـا أضناني
عجبًا لأمرك كيف عن حالتي تسلا
ولم تكن في الهجر من اردانـي
عجبًا لأمر العاشقيـن لمـا أرى
لا يكره المجنـي عليـه الجانـي
دع عنك ما قد فات واسمع ما يلي
فالعمر مهما طـال طـولٍ فانـي
داوي المسامع بالكـلام وداونـي
بالوصـل إن فراقنـا أعياني
في ليلةٍ قمريةٍ كي احلـف أني
رأيــت بلـيـلـةٍ قـمـرانـي
واسمع عيونـي كلمـا لاقيتنـي
فأنـا عيونـي باللقـاء لسانـي
