عبارات عن مدينة الرياض

الرياض

تُعدُّ الرياض من أجمل مدن المملكة العربية السعودية فقد تغنى الكثير من الشعراء والكتاّب بها وفي هذا المقال بعض العبارات والأشعار عن مدينة الرياض.

عبارات جميلة عن مدينة الرياض

• ومن يلوم القلب في حُبك يا الرياض، عسى سحايب نجد يوم هلّت، تسقي قبر غالي رقد فيها، حي صوت رعودها، وحي طق مزونها، أمطري يا الرياض واغسلي كل الجفاف ارتوى من ماء ربّي، جعله هني يَا ديرتي من يلوم القلب في حُب الرياض كنّه يلوم الأرض في حُب المطر.
• ليل ومطر والرياض، ما أجملها من ليلة، ليلة مطر فاح العطر من ترابك يالرياض.
• الغلا في نجد فطرة، من يلوم القلب في حب الرياض.
• في صباحك يالرياض أعشق ألوان المدينة وأعشق ألوان الصبَاح أحتري ضو النهار ولا بدا يظهر أحار من السوالف والحكي مدري أبسم أو أغار أو أفضفض للعصافير البعيدة أوأقلب آخر أوراق الجريدة أو أطير من الفرح في مسافات القصيدة في طريقي المحك طفلة صغيرة ما تعرف إلا البياض.
• ولو أشوف وما أشوف مثل صبحك ما أشوف يا صباحي يالرياض.
• داوي جروحي بقربك يالرياض وانثري حبّك على اللي يعشقك لا تلوميني وأنا كلي بياض.

قلبي تولع بالرياض

قلبي تولّع بالرياض حب ورثته من الجدود

يا صفحة ناصعة البياض زرعتي الصحرا ورود

يا نجد يا أرضي وسماي يعجز عن الوصف اللسان

الحب مالي فيه رأي وما أظن لي غيرك مكان

العشق في دنياي هي وفي شمسها بسمة وضي

في قلبك الشوق الكبير حاكني عنّه شوي

حاكني عنّه شوي

اليوم من بعد الشتات صارت مثل وصف الجسد

في عز في أمن وثبات في ظل أبو فيصل فهد

وذراعه اللّي له يمين ولي عهده الأمين

وإخوانه وكل آل سعود والشعب كلّه مخلصين

برد وسموم نحبها

في سلمها وفي حربها

نحبها.. نحبها.. نحبها

شعر عن الرياض

جيت أشوفك

في عيونك شفت أنا كل الرياض

وأنتِ تحكي

كم لمحت بقلبك الطيب بياض

وكم تملكني شعور عذب وإيدك في يدي

وصرت أحسّ أن الرياض بحضرتك بالشوق فاض

مدري فيكم أي واحد يسكن الثاني أمانه

يسكنك أو تسكنينه يا دفاه ويا حنانه

منك ياخذ كل سحره وأنتِ يا سحره أعرفك

تاخذين اللي تبين بلا جدال ولا اعتراض

ولو يبي يزعل بكيفه لا يهمك مهما يزعل

دامك أنتي وسط قلبي ما عليك من الرياض

كم مدينة جت تمنى معك قصة حب وأكثر

كم وطن ضيّع حدوده من سمع فيك وتبعثر

والله مدري كم؟.. لكن الأكيد أني

أحبك

وأن هذا الحب واقع مو مجرد افتراض

ليه أحس أن الرياض أحيان كن ما به أحد

وليه أحس أحيان أنك أنتي صرتي كل أحد

الشوارع والمباني والبشر حتى الهوا

المسا والصبح وأكثر..

باختصار: أنتِ الرياض

ما للرياض أحباب

إلا إنتي وعيونك

مثلي أبد ما تاب

للحين مجنونك

قصيدة عن الرياض

الله يمسي ديرة الخير بالخير

الله ينورها ويجلا ظلامه

عسى السحاب يمرها بالتباشير

يهل من وادي لبن للثمامه

قلت الرياض وانكشف سرها لبير

قلته وناحت وسط صدري حمامه

قلت الرياض وطار من مهجتي طير

مشتاق له والقلب زايد هيامه

يا سعود يا طول السفر والمشاوير

يا سعود طولنا عن أهل الشهامة

وين الحبايب والأهل والمناعير

ودي بشوفتهم ولو به ملامه

أغراب والغربة هجوس وتفاكير

وموج الهموم اليوم زاد التطامه

شهرين ماجتنا ردود ومعاذير

شهرين والهاتف سكت عن كلامه

الله يصبرنا على هالمقادير

بفراقهم لا ما نعرف ابتسامة

يا رب عجل بالفرج والتياسير

يا رب رجعنا لها بالسلامة

أشعار عن المملكة العربية السعودية

ارفع رأسك أنت سعودي

طيبك جاوز كل حدود

فارس وأجدادك فوارس

وأصبحت لبيت الله حارس

مغروس بالمجد وغارس

في ميدان العز شهود

علمك غانم وجارك سالم

يخشى من هيبتك الظالم

راعي صمله دايم وألم

سيف وقلب وفعل زنود

في العالم ما مثلك مسلم

دايم بالفضيلة محرم

والخايف في دارك منعم

عن دخيل حماك تذود

دايم سيفك بيدك سله

ما تغمد سيفك من ذله

وحجاجك دايم منفله

وأنت بنصر الله موعود

والعيد بفضل الله عايد

وسعودك يا وطن سعودي

قصيدة يا وطن

غنيت حبك يا وطن ولثمت بحروفي سماك

وعشتك أكثر من زمن وسقيت من عرقي ثراك

أنت الأبو وأنت الولد وأنت التغرّب والبلد

وأنت الشدايد والرّخا أموت وتاريخك خلد

غنيت حبك ياوطن نبعك شرابي في الحياة

يا نشوة العز وهواه لأجلك لو كفوفي تذوب

وأمشي على جمر الغضاه غنيت حبك يا وطن