موقع اقرا » الآداب » أشعار وأدباء » شعر ليبي حزين

شعر ليبي حزين

شعر ليبي حزين


قصيدة فراقك مر الليبية

راقك مر واعر يا جنيني

طالق نار طبت ف كنيني

فراقك مر يا فارس العيله

يا فزاع ان صارت الميله

نرجي فيك نحسابك تجيني

امر الله معندي وسيله

خنتن ليش كنكن ياسنيني

شلت الروح من روحي العليله

كل نهار تنظر فيه عيني

نمد ايدي وتعاود دليله

ترعش نين نمسكا يميني

فاهق شين خلاني دقيلا

صبر ايوب ياربي عطيني

شعر ليبي حزين

يا ولد واصغالي خوك خوك

ما تلقاش زيه والي

خوذ الوصية خوذ وصية

لا بمال لا بجميل لا بمزية

خوك خوك ما تلقاش والي زيه

حزام في الشدايد صنعته فيلالي

مدفوع راسه في نهار الدية

ولو كان يبدا من ترابه جالي

نوصيك ما ترضاش فيه السية

وخلي شريك الشق ديما غالي

وفي خوك ما تسمعش قول ولية

قداش خلو عامرات خوالي

وقداش منهم خايبات النية

هدو بيوت مشيدات عوالي

وموحال لميمة تعاود حية

وتجيبلك خو من جديد وتالي

واياك ترضى حالته دونية

وترضى على ظهره ايحط البالي

شعر ليبي قصير

عندي عقل من قل الرفيـق الساعة عام فحسابه اتمـر

وعندي فكر ذاهب في الطريق بقى محتار مو عارف ايمـر

وعندي عزم ما ينفع رقيـق لا حمـال لا عمـره صبـر

وعندي نفس خانقها الضيـق دال الياس غير وين المفـر

شعر ليبي عن الفراق

قالولي انساه اتهنى وريح بالك منة

قلتلهم من ينسى روحة…. من ينسى اماله وطموحة؟

حتى وين انغمض عيني … ونستنى في النوم ايجيني

نلقى طيفة تحت اجفوني….انقولة يانوم استنى

خلي عيني تشبع منه

ان كان ياعزيز اغنيت. نا انحمل عازات الجفا

وان عاز ياعزيز اقسمت …. تزهى العين طول عمرها

ان غاليت ……..تاخذ قلب مفتوح ياعزيز للغلا

وان جافيت…… تلقى عزم صبار ياعزيز عالجفا

شعر ليبي حزين عن الوفاء

اللي عزيز مكانك ….مازال قلبي ع الوفا ماخانك مانبدلك

مازال قلبي وافي…..ومازال نابض بالحنان الدافي

مــــــوحال يبخل بالعطا مجدافي….لين يوصلة مركب غلاي حنانك

يهون عليا من اجنون اريافي…..ويبقى مقرة في ربوع اوطانك

شعر ليبي حزين عن الأم

ياخيرة النسـوان تبقى الخيــره وتبقى كبيـــرة وغاليـــه فى عينى

مهما شكرتك ما تسد شكيره ومهما عطيتـــك ما انخلــــص دينى

ياشايله مواجــع معــاى كثيره وعند الشـــــدايد دعـــوتك تحمينى

فيك حن عمرى مالقيت نظيره وفيك ود عايش فى جذور كنينى

انتى السعادة وفرحتى الكبيره وانتى غلا منقـــوش فـوق جبينى

يلى بلاك العمر هــــم او حيره ويلى بـــلاك الوقــــت مـــا يعنينى

والعين من غيرك تعيش ضريره والعقــل يذهــب كان فارقتينى

وتنهال من عينى دموع غزيره لوكــــان غبتــى يوم مــــا جيتينى

أمى وأمى أسم مـا فى غيره وعاشق حروفه فى جميع أسنينى

شعر ليبي حزين عن الفقد

الفقد لونحكو فقدنا

ومافقدنا فيت ف الخيره

فقدناه من كاين سندنا

وفجعنا فجعه كبيره

ننقان فقده هدت جهدنا

ننقانها ماهي صغيرة

م دنيارحل نقص عددنا

ظهر وانكسر صاعب جبيره

رحل بلاه قعدنا وحدنا

وسالن ادموع غزيزه

غاب فرحنا غايب سعدنا

ماهناك شي فيدي انديره

قدرالله والله حمدنا

مانعاضو في تقديره







اللهم اجعلنا ممن ينشرون العلم ويعملون به واجعله حجه لنا لا علينا

تصميم وبرمجة شركة الفنون لحلول الويب