شعر حب مصرى
شعر حب مصري
أجمل أشعار الحب باللهجة المصرية فيما يأتي:
صباح الفل يا حبيبه
صباح الفل يا حبيبه
يا أجمل طير
بشوف كل الأمل فيكى
واقول الدنيا لسه بخير
صباح الفل يا حكايه
عاشقها وعايشه جوايا
يا حب ملوش ولا نهايه
يا ساكنه القلب بالعافيه
بدون تفسير
صباح الفل يا حبيبتى
يا وش الخير
تسمحيلي لما اشوفِك
أرمى حِملى بين كفوفِك
و اعشق البسمه ف كسوفِك
أبقى مركب / تبقي نيلي
تسمحيلي؟
تسمحيلي اكون ناياتى
اعزفك ويا حكاياتى
ابقى م المقامات بٓياتي
تبقي م الالحان دليلي
تسمحيلى؟
تسمحي لو تحكى حبّه
تملى كل الكون محبّه
حتى لما تغيبى حبّه
تختاريني اكون بديلي
تسمحيلي؟
تسمحيلي يا صبيّه
ابقى طير تبقيلي غيّه
تبقى شمس المغربيه
فوق بحور الشوق تميلي
تسمحيلي؟
الليل هينام
و الزحمة هتشرق وانا سهران
الحق مدان
و الظلم مدان
طول ما الأطراف كلها عميان عكس وضوحي
كل الأيام
بتدوس ف الرقصه على جروحي
الشمس تعوم
والزحمة هتغرب و أنا سهران جنب طموحي
ماعرفش أنام
تمشي الأحلام
والليل هينام
بعد أما هيستهلك روحي
أنت غير
أنت غير
يا قلب نبضه طيبه وخير
يا حب روحي ليه تطير
أنت غير
يعشق قلبي عليه يغير
يا ضي عيني بدونك ضرير
أنت غير
وحلمي بيك أنا ليه اسير
وأملي فيك والله كبير
أنت غير
وعمري فداك ما هو كتير
وعشقي لقلبك
عشق السما و الطير
أنت غير
في عز انشغالي وحشتيني
في عز انشغالي وحشتيني
ولما أحب أشوفك أغمض عيني
واحلم الاقيكي وتلاقيني
في حلمي وأملي بيكِي عيني
ولما بشتقلك وبحتجلك
بحلم بيكي وبندهلك
طب هعمل إيه!؟ مانا مش طايلك
ولا خبر عنك بيجيني
في عز انشغالي وحشتيني
ولما أحب أسمع صوتك
أو حتى همسك وسكوتك
أو حتى نَفَسِك في وجودك
افتكر انتي فينك وأنا فيني
في عز انشغالي وحشتيني
