موقع اقرا » تسلية وألعاب » نكت ورسائل » اجمل النكت السورية

اجمل النكت السورية

اجمل النكت السورية


النكت السورية

تعتبر النّكت السورية من أجمل النكت؛ فهي تصف بعض المواقف بأسلوبٍ طريف ومضحك، كما هو الحال في أغلب النكت في العالم، ويرجع سبب وجود النكتة إلى تلطيف الأجواء، وإضفاء الطّرافة على الموجودين، وفي هذا المقال بعض النكت السورية.

أجمل النكت السورية القصيرة

  • وحدة طبخت لجوزها ملوخية، وتاني يوم خبيزة، وثالث يوم سبانخ، رابع يوم قالتله شو أطبخلك حبيبي؟ قال لها: بلا اليوم أنا برعى لحالي.
  • في مدرس سأل طالب: بكرا إنت لما تكبر شو بدك تصير؟ قله: ختيار.
  • الأب:شو؟ الابن: رسوب، الأب: معقول ترسب سنتين؟ الابن: شو بساوي أسئلة هالسنة كانت متل أسئلة السنة الماضية!
  • تنين من المجانين خطر ببال الأول أن يقول حكمة، فقال: قلي من صديقك أقول لك من أنت، فقال الثاني: من صديقك؟ رد الأوّل: من أنت؟
  • راح واحد لعند بياع فلافل محشش، قال: أعطيني 3 ساندوتشات فلافل بدون مخلل، قاله البياع : ما عندي مخلل، ساويلك ياهن بدون بندورة؟
  • واحد بخيل اتفق هو ومرته الحامل، إذا إجاهم ولد يسموه مبروك، قام وقت ولدت المرة، طلعت الممرضة عم بتقول: ألف ألف مبروك، قال: أوف وين بدي أروح فيون هادول كلون؟
  • في طالبين وصلوا المدرسة متأخرين، سأل الأستاذ واحد منهم وهو غضبان: وينك لهلأ؟ قاله وهو عم يبكي: في ليرة ضاعتلي وكنت عم دور عليها، وما معي غيرها مصروف، وسأل التاني: وأنت وينك لهلأ ليش متأخر؟ قاله: كنت داعس عالليرة!
  • مرة واحد وجعه ضرسه، قام راح إلى طبيب، قام الدكتور خلعله كل أسنانه عدا الضرس المنخور، انصدم المريض وقاله شو عملت؟ قاله إيه خليه لحاله بستاهل!
  • في واحد نذل اتصل بالإطفاء، وقال شو إذا ما في حريق ما منشوفكن؟
  • واحد راح يشيع بجنازة، سأل واحد: شو بيشتغل الميت؟ قال: يحفر قبور، رد عليه: سبحان الله من حفر حفرة لأخيه وقع فيها

أجمل النكت السورية الطويلة

النكتة الأولى

ثلاثة بخلاء و تلاتة أصحابهم قرروا يسافروا لحضور نهائي كأس العالم لكرة القدم

لما راحوا يقطعوا تذاكر القطار

راحوا أصحابهم وقطعوا ثلاث تذاكر

وراحوا البخلاء وقطعوا تذكرة وحدة بس

استغربوا أصحابهم وسألوا البخلاء:

شلون تقصوا تذكرة وحدة وأنتم ثلاثة!!

ردوا البخلاء وقالوا: شوفوا واتعلموا

ركبوا كلهم القطار، ولما بدأ المضيف يجمع التذاكر

راحوا البخلاء وتراصوا في واحد من الحمامات

ولما وصلهم المضيف دق عليهم الباب

قال: تيكت بلييز

راح واحد منهم طلع ايده ومد التذكرة

ولما راح المضيف طلعوا وقعدوا

طبعا انبهروا أصحابهم منهم، وقالوا: لازم نجرب الطريقة وإحنا راجعين

انتهت المباراة ولما بدهم يرجعوا، أصحابهم التلاتة قالوا: بنسوي نفس البخلاء، ونقطع تذكرة وحدة بس

بس هالمرة الغريب إنه البخلاء ما قطعوا ولا تذكرة!

سألوهم أصحابهم، شلون ما تقطعوا ولا تذكرة!

ردوا عليهم البخلاء وقالوا: شوفوا واتعلموا

ركبوا كلهم القطار ولما بدأ المضيف يجمع التذاكر

راحوا أصحابهم وتراصوا في حمام، وبعدهم راحوا البخلاء وتراصوا في حمام جنبه

طلع واحد من البخلاء ودق الباب على أصحابهم التلاتة، وقالهم: تيكت بليز

راح طلع واحد منهم إيده وأعطاه تذكرة

أخذها البخيل ورجع عالحمام مع رفقاتو البخلاء

النكتة الثانية

مرة كان في اتنين

واحد اسمه محمود والثاني اسمه محمد

والتنين كانوا ساكنين بالطابق 65

وكانوا عم يحكوا سوا لحتى وصلوا للطابق 64

فاللي كان اسمه محمود قال لمحمد:

بدي أحكيلك خبرين خبر حلو والتاني مو حلو

محمد قله: احكي الخبر الحلو بالأول

قله محمود: الخبر الحلو إنه ضايل طابق ومنوصل لشقتنا

قله محمد: والخبر الي مو حلو؟

قله محمود: إنه إحنا مخربطين في البناية هاي مش بنايتنا

النكتة الثالثة

كان في بخيل سألوه: إذا اشتد البرد إيش بتعمل؟

قال: أقرب من الدفاية

قالوا: وإذا اشتد أكثر وأكثر؟

قال: أقرب أكثر وأكثر

قالوا: وإذا اشتد أكثر وأكثر وأكثر وأكثر؟

قال : أقرب أكثر وأكثر وأكثر وأكثر

قالوا: وإذا اشتد أكثر وأكثر وأكثر وأكثر وأكثر وأكثر وأكثر وأكثر؟

قال: أشعل الدفاية!







اللهم اجعلنا ممن ينشرون العلم ويعملون به واجعله حجه لنا لا علينا

تصميم وبرمجة شركة الفنون لحلول الويب